                  
|
|
24. október 2006
Innritun:
Stutt viðtal. Nemandinn er skráður inn í skólann af foreldrum, oft eru vinir, venslafólk með. Innritunar- og flutningstilkynning er fyllt út og stundaskrá og innkaupalisti afhentur. Viðtal með túlki ákveðið síðar. Oft þremur vikum eftir að nemandi byrjar í skólanum. Þá eru viðstaddir umsjónarkennari barnsins í móttökudeild og/eða deildarstjóri og hjúkrunarkona - en hjúkrunarkona stoppar stutt við, æskilegra er að hafa fáa í viðtalinu. Foreldrar eru beðnir um að koma með ónæmisskírteini. Kannað er hvort nemandi hafi farið í læknisskoðun hér á landi. Nemendur sem koma frá ríkjum sem eru aðilar að Evrópska efnahagssvæðinu (EES) þurfa ekki að gangast undir slíka læknisskoðun. Í EES eru eftirfarandi lönd: Austurríki, Belgía, Danmörk, Finnland, Frakkland, Grikkland, Holland, Írland, Ítalía, Liechtenstein,Lúxemborg, Noregur, Portúgal, Spánn, Svíþjóð, Þýskaland, Eistland, Lettland, Litháen, Pólland, Slóvakía, Slóvenía, Tékkland, Ungverjaland, Malta og Kýpur. Ríkisborgarar Sviss njóta sambærilegra réttinda og EES borgarar Foreldrar fá ítarlegri innritunar- og flutningstilkynningu sem til er á nokkrum tungumálum: sjá http://www.rvk.is/desktopdefault.aspx/tabid-1496 og er boðið að fara með heim og skila því inn síðar eða fylla út á staðnum. Upplýsingabæklingur fyrir erlenda foreldra grunnskólabarna á sínu tungumáli fá foreldrar með heim. Bæklingurinn er til á: dönsku, eistnesku, ensku, kínversku, lítháensku, pólsku, rússnesku, serbókróatísku, spænsku, tagalog, tælensku og víetnömsku: sjá http://www.rvk.is/desktopdefault.aspx/tabid-1493. Auk þess er farið yfir nestismál og mjólkurmiða, mötuneyti og kostnað og matseðill fyrir næsta mánuð er afhentur. Foreldrar fá símanúmer og viðtalstíma umsjónakennara nemandans og farið er yfir strætómiðamál samkvæmt reglum skólans. Stundaskrá móttökudeildar er kynnt og afhent auk innkaupalista sem hægt er að skoða hér: Innkaupalisti 2006
Foreldrar
fá kynningu á kennslu
og aðlögunarferli í móttökudeild og í almenna bekki, og fá
ljósrit af köflunum um Menningaráfall ef viðkomandi skilur,
íslensku, dönsku eða ensku því ekki er búið að þýða á fleiri
tungumál: Mikilvægt er að segja foreldrum að þeir séu velkomnir hvenær sem er í skólann og geti einnig hringt í kennarann eða deildarstjóra ef spurningar vakna eða fengið einhvern sem kann ensku eða íslensku til að bera skilaboðin áfram. Nemendum er bent á að þeir geti hringt í foreldra sína úr skólanum hvenær sem er ef þeim líður illa því það er oft erfitt að geta ekki talað við neinn sem skilur mann. Það slær oft á kvíðann bæði hjá foreldrum og börnunum að vita af þessum möguleika. Í lok fundarins er gengið með foreldrum um skólann heilsað upp á skólastjóra og aðstoðarskólastjóra og skrifstofufólk, og farið í helstu vistarverur skólans, móttökudeildina, mötuneyti, bókasafn, íþróttahús, sundlaug, smiðjustofur og kennslustofu nemandans í almennum bekk. Þetta er mikið af upplýsingum á stuttum tíma en viðtalið tekur um einn klukkutíma. Móttaka og aðlögun:.... Verið er að vinna að þessum kafla
Mikil áhersla er á að barnið
byrji eins fljótt og hægt er í skólanum, löng bið eftir skoðun hjá lækni
í tengslum við dvalarleyfi er ekki látin koma í veg fyrir skólagöngu
barns. Leitað er leiða til að slíkt standi ekki í vegi því að barnið
geti byrjað sem fyrst. Mikilvægt er að kynna sér vel bakgrunn nemandans og fjölskyldunnar. Í þeim tilgangi er farið yfir spurningar með foreldrum ásamt túlki í öðru foreldraviðtali yfirleitt í lok fyrstu annar sem er í nóvember. Þá er einnig fenginn túlkur. Eftirfarandi spurningarlisti er hafður til hliðsjónar en innritunarformið sem er á ýmsum tungumálum og er fyllt út í 1. viðtali gefur einnig svör við mikilvægum upplýsingum: Spurningalistinn Á Fjölmenningarvef Breiðholtsskóla eru upplýsingar um daglegt líf og menningu tuttugu landa á íslensku. Einnig er hægt að sækja upplýsingar á ensku á fjórum blaðsíðum um menningu og daglegt líf í 190 löndum. Mjög áhugaverð síða sem reyndar þarf að kaupa aðgang að en það er hægt að fá 30 daga ókeypis reynslutíma, slóðin er: http://www.culturegrams.com/ Þessi kafli verður lengri. M.a. verður hér hnitmiðaður "pakki" sem hjálpar kennurum í almennum bekkjum að taka á móti og vinna með útlenda nemendur í bekk.
|