Íslenskur kennsluvefur fyrir   erlend börn

Nýlega opnaði kennsluvefurinn Katla. Vefurinn er  með námsefni fyrir börn af erlendum uppruna sem leggja stund á íslenskunám í grunnskólum landsins. Vefurinn Katla er sá fyrsti sem tekur til þessa málaflokks hér á landi.
Hann er unninn af þeim Sigríði Ólafsdóttur, deildarstjóra móttökudeildar Háteigsskóla og Önnu Guðrúnu Júlíusdóttur deildarstjóra móttökudeildar Breiðholtsskóla. Vefurinn er gerður út frá Vefskóla.is en hefur sitt eigið lógó sem er á forsíðu:  vefskóli.is. Einnig er hægt að komast á vefinn á forsíðu Fjölmenningarvefs Breiðholtsskóla. Þegar smellt er á lógó Kötlu er komið inn á millisíðu. Þar eru ýmsar upplýsingar um vefinn og neðst á síðunni er linkur sem leiðir inn á mynd af forsíðu Kötlu. Aðgangangsorð  þarf til að komast inn á vefinn. Skólar geta fengið ársaðgang að vefnum gegn vægu gjaldi og veitir það öllum kennurum skólans aðgengi.
Á þessu skólaári njóta yfir 1200 grunnskólanemendur sérstakrar íslenskukennslu á landinu.
Vefurinn styður við stefnu Fræðsluyfirvalda um einstaklingsmiðað nám þar sem einnig er áhersla á mikilvægi þess að tryggja með markvissum hætti að börnin fái aðgang að öflugri kennslu í íslensku máli.
Vefurinn hentar í raun öllum kennurum sem fá til sín nemendur með litla eða enga kunnáttu í íslensku, bæði í móttökudeildum og inni í bekkjum.

Höfundar vefsins vilja gjarnan koma í skóla til að kynna vefinn fyrir áhugasömum kennurum og skólastjórnendum. Í september og október verða haldnir tveir fræðslufundir á Fræðslumiðstöð Reykjavíkur þar sem ákveðnir þættir á vefnum verða kenndir.

Upplýsingar veita: Anna Guðrún Júlíusdóttir Breiðholtsskóla, netfang: anna17@breidholtsskoli.is  og Sigríður Ólafsdóttir Háteigsskóla, netfang: sirryo@ismennt.is