Það væri frábært að hafa kennslu í móðurmáli strax á unga
aldri og að kennsla í lestri hæfist út frá móðurmáli. Hins vegar verðum við
að viðurkenna að það verður ekki algilt. Þess vegna tel ég mikilvægt að
skipta yfir til enskunnar og þá með hjálp námsefnis þar að lútandi fyrir
börn með annað móðurmál.
Vegna þess hve góður orðaforði er mikilvægur verður að byrja
strax á unga aldri að vinna markvisst að því að byggja hann upp með leik og
lestri. Mín reynsla er sú að þau börn sem fá sérstaka örvun með tilliti til
þess að þau eiga annað móðurmál verða ekki eftirbátar enskra jafnaldra sinna
í lesskilningi þó þau hafi ekki fengið neina móðurmálskennslu.
Gott námsefni fyrir unga enskunemendur tekur tillit til þess
hversu náin tengsl eru á milli framfara í tungumálinu og lestrarkunnáttu
(lesskilnings). Kennslan á að fela í sér ákveðin fyrirmæli, lestraræfingar,
viðfangsefni tengd sögubókum, þjálfun í hljóðkerfisvitund, og uppbyggingu
orðaforða.
Harvard University, Nonie Lesaux og Greer Bautz:
Rannsóknir leiða í ljós að ef
nemendur með ensku sem annað mál fá námsefni og kennslu við hæfi verða þeir
ekki síðri, og jafnvel betri, en enskir jafnaldrar.
Tvítyngi þarf alls ekki að vera hindrun í lestrarnámi ef
barnið fær rétta kennslu og aðstoð. Þetta næst með samhjálp allra sem koma
að kennslu barnsins í öllum skólanum en einskorðast ekki bara við eina
kennslustofu.
Niðurstöður rannsókna hafa leitt eftirfarandi lykilatriði í
ljós:
- Öll börn – með hvaða móðurmál sem er – eru líkleg til að
njóta góðs af sérstakri kennslu og aðstoð strax á unga aldri sem felur í sér
örvun á hljóðkerfisvitund t.d. að ríma og að taka út hljóð til að
sundurgreina hin ýmsu hljóð sem mynda orð.
- Allir sem koma að kennslu þessara barna þurfa að taka
höndum saman. Það þarf að uppgötva snemma sértæk vandamál til að geta boðið
upp á aðstoð og kennslu við hæfi. Þetta þarf að hefjast strax í leikskóla.
