12. september 2002.

Starfsemi móttökudeildar í Breiðholtsskóla er nú komin á fullt skrið. Á hverju hausti koma nýir nemendur frá útlöndum. Síðast liðnar tvær vikur hafa nemendur á aldrinum  sex ára til fimmtán ára, komið frá Tælandi, Mexíkó, Noregi, Póllandi, Lettlandi, Víetnam, Bandaríkjunum, Albaníu og Pakistan.

Það er ákaflega gaman að vinna með þessu unga fólki og fá um leið tækifæri til að kynnast bakgrunni þeirra, menningu, stafrófi og tungumáli. Eftir því sem ég kemst næst eru tölvur stafsettar svona á tælensku: คอมพิวเตอร์ og svona á kínversku: 计算机. Á pólsku eru tölvur aðeins skiljanlegri eða: rachmistrz.

Við gerum stundaskrár á tungumálum nemenda sem eru nýkomnir til landsins. Megintilgangurinn er auðvitað að gera nemendum lífið léttara en það er líka forvitnilegt fyrir okkur að vita hvernig stundaskráin lítur út á þeirra tungumáli.

                                               Anna Guðrún Júlíusdóttir,
                                               deildarstjóri móttökudeildarinnar í Breiðholtsskóla